По децении чекање, проектот за изградба на патниот правец Скопје–Блаце, клучна врска кон границата со Косово, влегува во завршна фаза. Јавното претпријатие „Државни патишта“ веќе ги започна постапките за јавна набавка за подготовка на конечниот проект за изградба на трасата. Коалицијата Вреди порачува дека овој „чекор е јасен сигнал за завршување на долгогодишните манипулации и блокади од страна на претходните влади“. „Наместо празни ветувања, сега следуваат конкретни дела и резултати. Само една година по влегувањето во Владата Вреди носи решенија, а не алиби. Ова е само почеток на нова ера за инфраструктурата – ера на отчетност и вистинска работа.“ – укажува Вреди.
„Проектот Скопје–Блаце со години се користеше како политичка алатка, често споменуван во изборни кампањи без конкретна реализација. Сега се работи на терен, а не пред камери.“ – истакнува Вреди.
„Овој пат не е само инфраструктурна врска, туку симбол на нов почеток за Албанците – пат кон економски развој, европска интеграција и заемно почитување. Со овој проект се испраќа порака дека крајот на застојот е почеток на нова динамика во патната инфраструктура, а Скопје–Блаце е поблиску до реализација од кога било досега.“ – наведува во своето соопштение коалицијата Вреди.
“, истакнуваат од коалицијата.