По цели 6 недели со среќен крај заврши македонската сага на четворицата Индијци заглавени во Скопје.
Бизнисменот Раби Седрак објави дека по
40 денови на неизвесност, стрес и неправда, четворицата Индијци конечно се вратиле дома.
,,Ова не беше само административен проблем, ова беше сериозен системски неуспех кој остави луѓе заглавени, без поддршка, без основни услови и без одговорност од оние кои требаше да ја обезбедат.
Овој случај НЕ СМЕЕ да се повтори!
Посебна и искрена благодарност до новинарката Фиљана Кока од МРТ1 која со својата професионалност, истрајност и храброст ја отвори оваа тема, ја изнесе вистината во јавност и изврши притисок без кој ова немаше да се реши.
Голема благодарност и до Министерството за внатрешни работи, кое помогна со продолжување на престојот и ја олесни нивната депортација/заминување во клучен момент.
Посебна благодарност до Зана од скопскиот аеродром, која вложи сериозен личен напор за да се надмине оваа ситуација и да се обезбеди заминувањето.
И најважно, благодарност до СИТЕ ВАС. Без споделувањата, реакциите и притисокот од јавноста, овие луѓе ќе останеа заборавени на улица”, пишува Седрак кој истовремено ја осудува постапката на Qatar Airways и
Агенцијата на цивилно воздухопловство кои ги обвинува за нивниот однос, неодговорност и отсуство на навремена реакција, со што директно придонесле оваа ситуација да ескалира и да трае со недели!!
Седрак објавува дека ќе започне правна постапка и ќе поднесеме тужба против Агенцијата за цивилно воздухопловство и против Qatar Airways за штетите и проблемите што ги предизвикаа.
,,Ќе се видиме на суд! Ова не смее да се повтори. Никој не смее да биде оставен заглавен без помош, без одговор и без достоинство”, пишува Седрак.