Македонија

Златев на Илинден ја заврши работата на целата историска комисија со Бугарија

Доволно е да се види кој ја слави и го живее нејзиниот идеал, а него го живееме само ние Македонците

Новинарот и уредник на Радио Лидер Љупчо Златев со еден пост на Илинден ја заврши работата на целата мешовита македонско – бугарска комисија за историја и образование.

 

,,Втори август е неработен ден во Македонија, државен празник кој за Македонците е поважен и од 8-ми Септември. Скоро и да нема град или село каде што нема прослава. Откако паметам за себе, паметам за Илинден.

2-ри август е најобичен ден во Бугарија. Не е неработен ден, не е државен празник и никогаш никој масовно не го прославувал, освен онаму каде што живееле македонци, додека имале право да се идентификуваат како такви. Илинден за бугарите не значи буквално ништо…

Зарем некому му е потребна историска комисија за да се види на кого му припаѓа Македонската револуционерна организација? Доволно е да се види кој ја слави и го живее нејзиниот идеал, а него го живееме само ние македонците!

Нека ни е за многу години!”, пишува Златев за традицијата која докажува кој како го чувствува Илинден и кој е историски и реално поврзан со епопејата на Илинденците кои се бореле и за кратко успеале да создадат независна македонска држава.

 

Во Бугарија Илинденското односно како што таму го нарекуваат Преображенското востание се одбележува на 20 Јули со скромни пораки и само во контекст на заедничка историја со Македонија.

Најнови вести од: Македонија

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Муцунски: Проширувањето на ЕУ е геополитичко обединување на Европа и стратешка инвестиција во постабилен и побезбеден континент

Министерот за надворешни работи и надворешна трговија Тимчо Муцунски синоќа во Скопје се обратил на конференцијата „Безбедноста во Западен Балкан“, организирана од германскиот институт „Аспен“ (Aspen Institute Germany) во соработка со Министерството за надворешни работи и надворешна трговија.

Најнови вести

To top