Регион

Албанија набави оружје кое го сопре првиот руски налет во Украина

Албанија го набави системот преку американската програма за продажба на воена опрема во странство (Foreign Military Sales). Оваа инвестиција е дел од долгорочната стратегија за модернизација на армијата и целосно усогласување со доктрината на НАТО.

Албанското Министерство за одбрана денес објави дека армијата на земјата официјално е опремена со противтенковски ракетен систем Javelin, еден од најнапредните одбранбени системи во употреба кај земјите членки на НАТО.

Министерот за одбрана Пиро Венгу истакна дека пристигнувањето на „Javelin“ е резултат на тесната соработка со стратешкиот сојузник, Соединетите Американски Држави, и претставува значаен чекор во модернизацијата на вооружените сили.

Според Венгу, системот значително ги зајакнува одбранбените капацитети на Албанија, ја зголемува способноста за одвраќање, ја подобрува интероперабилноста со НАТО и директно придонесува за националната безбедност. „Javelin“ е клучен елемент за копнената одбрана и овозможува поефикасно соочување со современи закани, во согласност со стандардите на Алијансата.

Албанија го набави системот преку американската програма за продажба на воена опрема во странство (Foreign Military Sales). Оваа инвестиција е дел од долгорочната стратегија за модернизација на армијата и целосно усогласување со доктрината на НАТО.

„Javelin“ е пренослив противтенковски систем од најнова генерација, кој функционира по принципот „испукај и заборави“. Тој овозможува пешадијата од засолниште да погоди оклопно возило, особено од горната, послабо заштитена страна, и веднаш да ја смени позицијата.

Системот е широко користен од армиите на НАТО и стекна меѓународна препознатливост за време на почетната фаза од руската инвазија врз Украина во 2022 година, кога заедно со британските NLAW одигра клучна улога во запирањето на руските оклопни колони кон Киев.

Најнови вести од: Регион

Мосад им доставил информации на Грција и Македонија за иранската мрежа, што подготвувала обид за атентат во Грција

Израелската агенција за надворешно разузнавање Мосад им доставила информации на Грција и Македонија за мрежата поврзана со Иран, што наводно подготвувала обид за атентат во Грција, објави израелскиот портал Ynet, повикувајќи се на свои извори.

Главниот дел од истрагата за разоткривањето на иранската мрежа го воделе безбедносните служби на Македонија

30-годишен македонски државјанин, кој бил прогласен за непожелен од безбедносни причини во Грција бил уапсен на крајот на октомври со автомобил со македонски регистарски таблички се обидел да ја напушти Грција и да влезе во Турција преку копнениот граничен премин во областа Еврос

Ива Михајлова: „Јави ми се веднаш, зашто сите ќе умреме уште вечерва“(ВИДЕО)

Ова била една од пораките што јутјуберот Цанов ги добил од Михајлова само неколку минути откако тој го објавил првото видео, во кое Ива зборуваше за наводен притисок од безбедносните служби во Бугарија

To top