Регион

Грција нема да дозволи нови блокади на границите, најави министерот Хрисохоидис

Министерот за заштита на граѓаните најавениот потег го објасни со огромните штети од попреченото движење од земјоделците

1 минута за читање

Министерот за заштита на граѓаните на Грција, Михалис Хрисоходис, најави дека државата повеќе нема да дозволи затворање на граничните премини, мислејќи на блокадите на земјоделците.

Во интервју за радиото Скај, тој истакна дека Владата покажала огромна толеранција за сето она што се случува во економијата на земјата веќе 40 дена со протестите на земјоделците и се праша кој ќе ги плати нанесените штети.

„Нема шанси повторно да се затвори царинска служба и тоа го нагласувам јасно. Тоа се влезовите на земјата, имаме огромни проблеми, нè пријавуваат другите земји во Европската унија. Но, не е само тоа, главно е дека се попречува функционирањето на економијата, се попречува работењето на бизнисите кои бараат снабдување со производи, со суровини, гориво и слично. Ова не може да продолжи. Обесштетувањата што ќе се побараат ќе бидат огромни“, рече Хрисохоидис.

Со блокадите од земјоделците што почнаа на 30 ноември се засегнати и граничните премини кон Македонија, Евзони (Богородица) и Ники (Меџитлија), на кои се паркирани трактори и кадешто демонстрантите изминативе денови по неколку часа попречуваа влез и излез на камиони, а одвреме-навреме и на патници.

 

Поврзани теми:

Грција|протести|земјоделци|гранични премини|Радио Скај

Повеќе на оваа тема:

Најнови вести од: Регион

Вучиќ и Рама заеднички бараат влез во ЕУ по пат на „делумна интеграција“ и без право на вето!

Српскиот претседател Александар Вучиќ и албанскиот премиер Еди Рама се огласија со заеднички предлог за забрзана интеграција на Србија и Албанија во Европската Унија, но според модел што не нуди веднаш целосни членски права. Во заедничка колумна, објавена во германскиот „Франкфуртер алгемајне цајтунг“, двајцата предлагаат постепено вклучување во единствениот европски пазар и во Шенген како меѓучекор до полноправно членство. Остануваат дилемите колку „делумната интеграција“ е промислен чекор кон ЕУ, или е избрзано прифаќање „членство од втор ред“ за земјите што со години, па и децении чекаат интегрирање во „европското семејство“ но преку полноправно членство. Македонија е веќе 21 година кандидатка за влез во ЕУ.

„Доаѓаме: Група блиска со иранските власти му се заканува на Балканот

хакерската група изјави дека нападите врз институциите во Албанија се извршени за да се казни нивната одлука да ја засолнат иранската опозициска група Моџахедин-е-Калк (MEK), позната и како Народна муџахединска организација на Иран

Македонска Фејсбук-страница го тресе врвот на словенечката влада: „Маски паднаа“ со аудио-разговори

Фејсбук-страница администрирана од Македонија се најде во центарот на голем политички скандал што ги тресе словенечките политички кругови во последните денови

„Не сме ничија марионета“ – Вучиќ за влошените односи со Москва и извозот на муниција во Украина

Српскиот претседател Александар Вучиќ во интервју за германскиот весник „Зидојче Цајтунг“ отворено изрази скептицизам за брзо полноправно членство на Србија во Европската Унија и се залага за модел на „Европа со повеќе брзини“.
Сите вести од Регион

Најнови вести

To top