52-то Народно собрание даде „зелено светло“ ја изгласа структурата, составот и премиерот на Советот на министри, предводен од премиерот Румен Радев.
Пратениците гласаа со 124 гласа „За“, 70 гласа „против“ и 36 гласа „воздржани“. Со истиот резултат, беа поддржани составот и структурата на Владата
Владата положи заклетва, а потоа беа свирени националните химни на Бугарија и Европската Унија.
„Вазраждане“ демонстративно ја напушти пленарната сала за време на химната на ЕУ.
Како што се очекуваше, кабинетот на Радев беше поддржан од гласовите на „Прогресивна Бугарија“ – 124 гласа „За“.
ГЕРБ со своите 36 пратеници гласаше „воздржано“.
ДПС со 21 пратеник гласаше „против“.
„Демократска Бугарија“ исто така гласаше „против“ со 21 пратеник.
„Продолжуваме со промената“ со 16 пратеници кои исто така гласаа „против“.
И „Вазраждане“ како последна парламентарна група по бројност со 12 пратеници, исто така, не ја поддржа владата на Румен Радев.
Со тоа, владата на Радев станува 107-ми редовен кабинет на Бугарија.
За време на презентацијата на својата влада, Румен Радев од говорницата на Народното собрание објави дека ќе работи за забрзан развој и модернизација на земјата, за демонтирање на олигархискиот модел и контрола врз државното управување и медиумите, прекинување на пристапот до јавните ресурси, за зачувување на мирот и вклучување на Бугарија во воени конфликти, за надминување на сиромаштијата, за социјална правда, за одржлив развој и ефикасно управување, за забрзан и одржлив економски развој, привлекување инвестиции, реструктуирање на економијата, интензивна имплементација на високи технологии и вештачка интелигенција, модерна инфраструктура, обезбедување енергетска безбедност на земјата, обезбедување безбедност на храната, иднина за младите луѓе во Бугарија, достапно образование и здравствена заштита, почитување на бугарските интереси….
Радев: Не отстапуваме од „заштита на правата Бугарите“ во Македонија