Бугарскиот претседател изјави дека неговата земја нема да се повлече од заштитата на правата на Бугарите што живеат во Македонија, за време на заедничката прес-конференција со неговиот хрватски колега Зоран Милановиќ, пренесуваатбугарски медиуми.
Тој истакна дека РСМ, како што се обраќа на Македонија, сама се запирала на патот кон ЕУ затоа што не сака да ги исполни критериумите за членство.
Според него, Бугарија сè уште чека од Скопјe да исполни јасно напишан услов што би ја отворил вратата за почеток на преговорите – гарантирање на правата на Бугарите и нивно вклучување во уставот заедно со другите народи што формираат држава.
Радев нагласи дека Бугарија не поставува нови услови, туку инсистира да се почитува сè што е договорено.