„Ние сме 27 демократии, што значи дека имаме избори каде што луѓето ја избираат својата иднина. Пред да има нова влада, не сме виделе како таа функционира. Нема да брзаме пред настаните“.
Вака одговори високата претставничка за надворешни работи и безбедносна политика на Европската унија, Каја Калас, на прашањето дали има загриженост за промена на надворешната политика на Бугарија кон Украина по резултатите од изборите.
Во врска со очекувањата од новата бугарска влада, таа рече дека сите треба да дојдат на масата со искрена желба за соработка и компромиси.
„Важно е сите да дојдат на оваа маса со искрена и заинтересирана желба за соработка, а исто така и со компромиси, бидејќи тие се бараат од сите. На самиот почеток, сите се третираат подеднакво, ги поздравуваме новите колеги на масата со кои можеме да се разбереме и да соработуваме“, додаде таа.