Регион

Масовен митинг „Србија е едно семејство“ во Белград

Еден од највпечатливите моменти беше развивањето на огромна српска тробојка, за која медиумите јавија дека била долга околу 200 метри и широка 10 метри, носена низ централните улици на Белград

Белград вечерва е центар на голем политички собир организиран од владејачките структури и поддржувачите на српскиот претседател Александар Вучиќ. Настанот, кој се одржа под мотото „Не ја даваме Србија“, привлече голем број граѓани од цела Србија, а дел од нив пристигнаа со организиран автобуски превоз.

Еден од највпечатливите моменти беше развивањето на огромна српска тробојка, за која медиумите јавија дека била долга околу 200 метри и широка 10 метри, носена низ централните улици на Белград како симбол на единство и поддршка за државата и власта.

Како и кај повеќето големи политички собири во Србија, проценките за посетеноста значително се разликуваат. Власта и провладините медиуми говореа за десетици илјади присутни, а во некои извештаи се споменуваат и бројки од над 100.000 луѓе. Од друга страна, критички настроени медиуми и аналитичари тврдат дека бројот бил значително помал и наведуваат проценки од околу 20.000 до неколку десетици илјади учесници. Поради тоа, не постои единствена и официјално потврдена бројка за посетеноста.

Медиумските извештаи посочуваат дека илјадници автобуси превезувале поддржувачи од различни делови на Србија кон главниот град. Слични мобилизации се забележуваа и на претходни големи митинзи на Вучиќ, кога се споменуваа и околу 3.000 автобуси што носеле луѓе од целата земја.

Во својот говор, Вучиќ повика на единство и стабилност, истакнувајќи дека Србија мора да остане силна и да ги брани своите национални интереси. Тој порача дека е важно граѓаните да се обединат околу клучните државни прашања и нагласи дека „насилството и ултиматумите нема да поминат“.

– Треба да седнеме и да разговараме и со оние кои мислат поинаку, но насилието и ултиматумите нема да поминат. Ги повикувам луѓето да не покажуваат гнев кон никого, туку да се соберат под српското знаме. Да покажеме дека сакаме мирна, пристојна и успешна Србија – рече Вучиќ.

Претседателот на Србија истакна дека собирот не треба да биде насочен против политичките противници, туку, како што рече, да испрати порака за единство и стабилност. Тој ги повика своите поддржувачи да избегнуваат какви било инциденти и да покажат дека, според неговите зборови, „пристојна Србија“ може да ги брани своите ставови на мирен начин.

Вучиќ истот ака ја најави својата оставка од местото претседател на Србија.

– Ви кажуваа дека никогаш нема да го напуштам претседателското место, дека насилно ќе останам на таа позиција. Нема да го сторам тоа, ова се моите последни денови и последни недели како претседател на Републиката. И бескрајно сум ви благодарен за огромната поддршка, за огромната љубов, бидејќи без вас никогаш ништо не би можел да направам. Бескрајно ви благодарам што ги разбравте и тешките чекори што моравме да ги преземеме. Бескрајно ви благодарам што верувавте, а јас ви велам дека ви служев и поверно од она што можете да замислите и да помислите во секој момент – порача Вучиќ.

Тој исто така зборуваше за потребата од добри односи со соседите и ја спомена и Македонија како земја со која Србија треба да гради подобра соработка.

 

 

Најнови вести од: Регион

Мосад им доставил информации на Грција и Македонија за иранската мрежа, што подготвувала обид за атентат во Грција

Израелската агенција за надворешно разузнавање Мосад им доставила информации на Грција и Македонија за мрежата поврзана со Иран, што наводно подготвувала обид за атентат во Грција, објави израелскиот портал Ynet, повикувајќи се на свои извори.

Главниот дел од истрагата за разоткривањето на иранската мрежа го воделе безбедносните служби на Македонија

30-годишен македонски државјанин, кој бил прогласен за непожелен од безбедносни причини во Грција бил уапсен на крајот на октомври со автомобил со македонски регистарски таблички се обидел да ја напушти Грција и да влезе во Турција преку копнениот граничен премин во областа Еврос

Ива Михајлова: „Јави ми се веднаш, зашто сите ќе умреме уште вечерва“(ВИДЕО)

Ова била една од пораките што јутјуберот Цанов ги добил од Михајлова само неколку минути откако тој го објавил првото видео, во кое Ива зборуваше за наводен притисок од безбедносните служби во Бугарија

To top