Регион

Пад на борбен авион МиГ-29 во Србија: Загина пилотот на српската армија

Несреќата се случила утринава на поле помеѓу Нова и Стара Пазова

Пилот го загуби животот при падот на борбениот авион МиГ-29 на српската армија, кој се урна утрово на поле помеѓу Нова и Стара Пазова, јавуваат српските медиуми.

Смртта на пилотот официјално ја потврди Радио-телевизија на Србија (РТС). Неговото име засега останува непознато за јавноста.

Според информациите од РТС, летечкото средство припаѓало на 204-та воздухопловна бригада, која е стационирана на воениот аеродром Батајница во близина на Белград.

На местото на несреќата веднаш излегоа силни екипи на српските вооружени сили, припадници на полицијата и воената полиција, како и пожарникари и дежурни екипи на брзата помош кои вршат увиди и преземаат мерки на терен.

Министерството за одбрана на Србија сè уште нема дадено официјална изјава во врска со трагичниот настанот, ниту пак се соопштени официјални информации за можните причини што довеле до падот на воздухопловот.

Најнови вести од: Регион

Негираат дека имало притисок врз „бегалката“

Ива Михајлова обвини новинар дека работи по наредба на бугарската Државна агенција за национална безбедност и дека по нивни инструкции добивала прашања и ѝ било кажувано што да зборува во јавност. Шефицата на бугарската дипломатија тврди дека немала такви информации

Најава за големи демонстрации во Албанија за 28 и 29 ноември 2026! Вчера палени контејнери, Рама маван со јајца, кршена вратата на Парламентот!

Студентското движење и незадоволните граѓани продолжуваат со редовни протести пред Министерството за образование и пред Владата во Тирана, барајќи оставка од премиерот Еди Рама и промени во власта. Вчера за време на протестот во Тирана, дојде до инциденти со палење контејнери, по што полицијата уапси три лица, поведе постапки против уште 18 и изрече 44 парични казни. Организаторите го најавуваат следниот голем бран на демонстрации за празничниот викенд на 28 и 29 ноември, кога се очекува пристигнување на албанската дијаспора во Тирана за масовен марш.

To top