Во споменатата анализа, објавена денес, „Политико“ натаму пишува:„ Скопје нагласува дека сака повеќе: ‘Заслужуваме да бидеме во многу понапредна позиција отколку што сме во моментов’, изјави министерот за надворешни работи на С.Македонија, Тимчо Муцунски’ за Политико’. Тој изнесе забелешки дека на Скопје и порано му биле давани ветувања. ‘Нам уште порано ни имаат кажано ‘Во рок од пет години, ќе станете земја-членка на ЕУ!’ – изјави шефот на македонската дипломатија Муцунски за Политико.“
„Нетпрес“, пак, објави: Економските придобивки, кои ги нуди ЕУ, би биле условени и можат да се одземат ако земјите што не се членки се спротивстават на демократијата или споделуваат чувствителна технологија со непријателски настроени влади, се вели во планот Европската Унија ќе ја отвори својата економија за земјите што чекаат да се приклучат во нејзините редови, под услов да се согласат да застанат на страната на блокот против непријателските држави и индустриските соперници, според нацрт-предлогот на Европската комисија, објави „Политико“.
На земјите-кандидатки – од кои некои чекаат со децении да станат членки на ЕУ (Македонија е кандидат од 2005) – ќе им биде понудена „постепена интеграција“ во единствениот пазар, додека нивните апликации се работат, според нацрт-планот. Како дел од пакетот мерки на Украина, Молдавија, Албанија и Црна Гора ќе им бидат понудени „патокази“, обликувани да го забрзаат процесот на пристапување во наредните години. Кај Македонија, Косово, Босна и Херцеговина, Србија и Турција, процесот се одолговлекува – со растечки стравувања дека ќе се оттргнат или ќе гравитираат поблиску до Русија или Кина.
„Во чекалницата“
Фон дер Лаен денеска слета во Албанија како дел од нејзината турнеја низ Западен Балкан. Таа ќе ги посети и Косово и Македонија, кои ќе го пропуштат забрзаниот пат за пристапување кон ЕУ. Според документот на ЕУ, крајната цел на земјите-кандидатки треба да биде да станат полноправни членки на ЕУ. „Сепак, пристапувањето бара време: земјите-кандидатки мора да завршат ригорозен процес базиран на заслуги и да спроведат далекусежни и трајни реформи. Тоа време треба целосно стратешки да се искористи за да се подготви Унијата за поголемо членство и да се продлабочи постепената интеграција во областите од заеднички интерес.“ – се посочува во тој документ.
Сепак, придобивките ќе зависат од тоа дали земјите ќе го направат својот дел: „Онаму каде што овие обврски не се исполнети, учеството мора да остане повратно. Пристапот треба да се суспендира или повлече каде што е потребно“, се предупредува во предлогот. Комесарот за проширување Марта Кос, изјави дека новите предлози, во комбинација со поддршката од главните градови за забрзување на проширувањето нудат можност за „есен на проширување“ во која можат да се направат невидени промени, објави „Нетпрес“