Регион

Превозниците ги откажаа најавените блокадите кон ЕУ

Транспортните асоцијации од четири земји од Западен Балкан се согласија

Превозниците ги откажаа најавените блокади кон Европската Унија откако на средба во Белград добија уверување за решавање на проблемот со шенгенските ограничувања. Камионџиите од Македонија, Србија, Босна и Херцеговина и Црна Гора требаше денеска целосно да го запрат сообраќајот кон европските граници. По разговорите со претставници на дел од членките на Шенген-зоната и европските дипломати, блокадите се ставени во мирување за да не се прекинат регионалните трговски синџири.

Најавениот целосен прекин на транспортот кон границите на Европската Унија е повлечен во последен момент. Одлуката ја донесоа претставниците на транспортните асоцијации од четирите држави од Западен Балкан по директен разговор со претставници на земји од Шенген-зоната, организиран преку Делегацијата на ЕУ во Белград.

Од асоцијацијата „Макам-транс“ потврдија дека превозниците отстапиле од радикалните чекори за да остават простор за преговори.

„На овој начин покажавме добра волја и разбирање за проблемите кои би настанале со прекинување на синџирот на снабдување на стока меѓу Западен Балкан и ЕУ“, соопштија од организацијата.

Со ова сообраќајот на граничните премини останува редовен, но транспортерите предупредуваат дека решението не смее да се одолговлекува.

Суштината на спорот лежи во шенгенското правило 90/180, според кое граѓаните на земји што не се дел од Унијата смеат да престојуваат во таа зона најмногу 90 дена во период од шест месеци. Ова ограничување важи и за професионалните возачи. Тие поголемиот дел од работните часови го поминуваат на европските коридори и на граничните терминали, па многу брзо го исцрпуваат дозволениот рок.

Доколку го пречекорат лимитот, возачите ризикуваат парични казни, депортација и забрани за влез. Компаниите се соочуваат со недостиг на кадар, празни камиони и огромни пенали кон европските партнери за секоја задоцнета пратка. Регионалните транспортни здруженија бараат посебен статус или ослободување за транспортните работници додека траат нивните службени рути.

Најнови вести од: Регион

Мосад им доставил информации на Грција и Македонија за иранската мрежа, што подготвувала обид за атентат во Грција

Израелската агенција за надворешно разузнавање Мосад им доставила информации на Грција и Македонија за мрежата поврзана со Иран, што наводно подготвувала обид за атентат во Грција, објави израелскиот портал Ynet, повикувајќи се на свои извори.

Главниот дел од истрагата за разоткривањето на иранската мрежа го воделе безбедносните служби на Македонија

30-годишен македонски државјанин, кој бил прогласен за непожелен од безбедносни причини во Грција бил уапсен на крајот на октомври со автомобил со македонски регистарски таблички се обидел да ја напушти Грција и да влезе во Турција преку копнениот граничен премин во областа Еврос

Ива Михајлова: „Јави ми се веднаш, зашто сите ќе умреме уште вечерва“(ВИДЕО)

Ова била една од пораките што јутјуберот Цанов ги добил од Михајлова само неколку минути откако тој го објавил првото видео, во кое Ива зборуваше за наводен притисок од безбедносните служби во Бугарија

Најнови вести

To top