Вооружена група Албанци денеска отворила оган врз припадници на Војската на Србија во реонот на базата „Дебела глава“ во Копнената зона за безбедност, објави Радиотелевизија на Србија (РТС), повикувајќи се на неофицијални информации.
Нападот се случил околу 15 часот во подножјето на ридот Шоп близу Косово, каде што Албанците испукале повеќе истрели врз српските војници, а притоа било погодено куче во непосредна близина на патролата.
Напаѓачите избегале со шест џипови кон Косово, наведува РТС.
Белградските медиуми пишуваат дека постојат индиции оти станува збор за ловџии Албанци од Косово кои нелегално ја преминуваат „административната линија“ и ловат на територијата на Бујановац.