Регион

Вучиќ: Приштина со сила се обидува да наметне правила

Од косовските институции засега нема реакција на изјавата на српскиот претседател.

Српскиот претседател Александар Вучиќ ја обвини Приштина дека се обидува да ја фалсификува историјата и дека со притисоци и уривање на викендички на Срби лојални на Србија се обидува со сила да ги наметне своите правила на Косово.

Одговарајќи на новинарско прашање за најавата дека од 1 август туристичките тури до манастирите на Косово ќе можат да ги водат само водичи одобрени од институциите во Приштина, Вучиќ оцени дека станува збор за удар врз српскиот идентитет.

„Теророт на Приштина трае, но ниту еден терор не траел засекогаш“, изјави Вучиќ при посетата на стаклениот видиковец на Каблар.

Тој рече дека Приштина погрешно ги толкува неговите изјави за почитување на Уставот на Србија, Резолуцијата 1244 на Советот за безбедност на Обединетите нации и Повелбата на ОН, додавајќи дека тие ги претставуваат како закана.

Вучиќ исто така ја обвини Приштина дека со години врши притисок врз манастирот Високи Дечани и дека постојано создава нови проблеми за српското монаштво.

Од косовските институции засега нема реакција на изјавата на српскиот претседател.

Најнови вести од: Регион

Мосад им доставил информации на Грција и Македонија за иранската мрежа, што подготвувала обид за атентат во Грција

Израелската агенција за надворешно разузнавање Мосад им доставила информации на Грција и Македонија за мрежата поврзана со Иран, што наводно подготвувала обид за атентат во Грција, објави израелскиот портал Ynet, повикувајќи се на свои извори.

Главниот дел од истрагата за разоткривањето на иранската мрежа го воделе безбедносните служби на Македонија

30-годишен македонски државјанин, кој бил прогласен за непожелен од безбедносни причини во Грција бил уапсен на крајот на октомври со автомобил со македонски регистарски таблички се обидел да ја напушти Грција и да влезе во Турција преку копнениот граничен премин во областа Еврос

Ива Михајлова: „Јави ми се веднаш, зашто сите ќе умреме уште вечерва“(ВИДЕО)

Ова била една од пораките што јутјуберот Цанов ги добил од Михајлова само неколку минути откако тој го објавил првото видео, во кое Ива зборуваше за наводен притисок од безбедносните служби во Бугарија

Најнови вести

To top