Соорганизаторот Мексико, како и Јужна Кореја и Јужноафриканската Република, ќе ѝ бидат противници на фудбалската репрезентација на Македонија во групата А ако го помине баражот и избори историски пласман на Светското првенство 2026.
Aко кон крајот на март ги елиминираат Данска и потоа подобриот меѓу Чешка и Република Ирска, „црвено-жолтите“, кои се 65. на листата на ФИФА, шампионатот ќе го отворат против Јужна Кореја (22.), втор ривал ќе им биде ЈАР (61.) и на крајот ќе играат со домаќинот Мексико (17.).
Успех во баражот на Македонија ѝ носи меч со Корејците на 11 јуни во мексиканскиот град Запопан, со Јужноафриканците на 18 јуни во Атланта и со Мексиканците на 24 јуни во Мексико Сити.
Во 1/16-финалето ќе има место за двете првопласирани селекции од сите 12 групи и za осумте најдобри трети места.
Покрај Мексико, првиот мундијал со 48 учесници ќе го организираат и САД, и Канада, а ќе се одржи од 11 јуни до 19 јули.
Резултатот од ждрепката во САД, на која присуствуваше и американскиот претседател Доналд Трамп, кому му беше врачена новововедената награда на ФИФА за мир:
