Лина Ѓорческа продолжи со успех по освоениот тениски турнир во романскиот град Слобозија, забележувајќи победа и на стартот во Букурешт, кадешто се игра на земјени терени и за награден фонд од 60.000 американски долари.
Овојпат најдобрата македонска тенисерка мораше здраво да запне за да го оправда статусот на четврта носителка и 239. на ВТА-листата во сингл, добивајќи го маратонот од 2:49 часа против Џорџа Крачун (385.) од Романија со 6-4, 4-6, 7-5.
Во второто коло утре од 9 часот 31-годишната тетовка ја очекува дуел со квалификантката Ноеми Басилети (502.) од Италија.