Деспина Папамихаил остана редовна „муштерика“ на Лина Ѓорческа и на тенискиот турнир во Порто, кој се игра во сала, на тврда подлога и за награден фонд од 40.000 американски долари, кадешто најдобрата македонска тенисерка славеше со 7-6 (1), 6-3 и се пласира во полуфиналето.
Вкупно 104 минути ѝ беа потребни на петтата носителка од Македонија, неделава 194. на ВТА-листата во сингл, за да ја совлада првата фаворитка и 159. женски рекет во светот.
Ова е петта победа на 31-годишната тетовка во шестиот меѓусебен дуел со една година постарата Гркинка.
Последна пречка до финалето на Ѓорческа утре од 11 часот ќе ѝ биде седмата носителка Фиона Кроули (227.) од САД.