Спорт

Ѓорческа тргна со победа на тенискиот челенџер во Анталија

Најдобрата македонска тенисерка ја елиминира на стартот седмата носителка Миа Ристиќ од Србија со 6-1, 6-3

Лина Ѓорческа имаше успешен старт на тенискиот челенџер во турското летувалиште Анталија, кој се игра на земјени терени и за награден фонд од 125.000 американски долари.

Најдобрата македонска тенисерка, оваа седмица на 257. место на ВТА-листата во поединечна конкуренција, во првото коло беше убедлива против седмата носителка Миа Ристиќ (195.) од Србија, совладувајќи ја со 6-1, 6-3 за 86 минути игра.

Иако направи шест сервис-грешки наспроти само едната на противничката, 32-годишната тетовка профитира токму со поените освоени на прв сервис (86:53 отсто) или 32/37, а искористи и четири од деветте брејк-топки, спасувајќи го својот сервис во сите четири шанси за Србинката.

Првата Македонка што се квалификува и настапи на главниот турнир во Вимблдон за ривалка во осминафиналето в среда претпладне ќе ја има Аурора Ѕантедески (296.) од Италија, против која го доби во два сета единствениот меѓусебен дуел минатата година во Куршумлиска Бања.

Најнови вести од: Спорт

Во продажба билетите за Суперкупот со четири шпански гиганти: Фудбалскиот спектакл на Шпанија пристигнува во Истанбул

Суперкупот на Шпанија 2027 во Истанбул се организира во соработка со Министерството за култура и туризам и Министерството за млади и спорт на Турција, Генералната управа за забава на Кралството Саудиска Арабија, Кралската шпанска фудбалска федерација, Турската фудбалска федерација, компанијата за организација на настани Sela Events и турската агенција за комуникации и маркетинг Hezarfen Ajans.

To top