Спорт

Македонија деветта во Европската златна лига во одбојка

Со максимална победа од 3:0 над Црна Гора во Струмица, машката одбојкарска репрезентација на Македонија го освои деветтото место во Европската златна лига во конкуренција на 12 селекции, оставајќи ги зад себе Хрватска, Летонија и Црна Гора. До својот 47. триумф во 80. настап во Европската лига, „црвено-жолтите“ дојдоа како подобри во сите три сета […]

Со максимална победа од 3:0 над Црна Гора во Струмица, машката одбојкарска репрезентација на Македонија го освои деветтото место во Европската златна лига во конкуренција на 12 селекции, оставајќи ги зад себе Хрватска, Летонија и Црна Гора.

До својот 47. триумф во 80. настап во Европската лига, „црвено-жолтите“ дојдоа како подобри во сите три сета со 25-20, 25-21 и 25-13 и третото учество во златниот сегмент го завршија со 5 бода, благодарејќи и на победата од 3:2 над Летонија во Рига, за најдобар пласман досега по 11. место предминатата година и десеттото лани.

Капитенот Никола Ѓорѓиев, кому ова му беше јубилејна 80. победа во државниот дрес, одново беше прво име во македонскиот состав со 16 поени.

Настапот во Европската златна лига беше загревање за избраниците на селекторот Јошко Миленковски за втората половина од квалификациите за Европското првенство и гостувањето во Грција на 13 август и реваншот со аутсајдерот Грузија четири дена подоцна во салата „Борис Трајковски“ во Скопје.

Од двата одиграни меча Македонија има една победа од 3:0 во Тбилиси и пораз од 3:1 против јужниот сосед во СЦ „Јане Сандански“, а на ЕП ќе се пласираат освојувачите на седумте квалификациски групи и петте најдобри второпласирани репрезентации.

Најнови вести од: Спорт

Во продажба билетите за Суперкупот со четири шпански гиганти: Фудбалскиот спектакл на Шпанија пристигнува во Истанбул

Суперкупот на Шпанија 2027 во Истанбул се организира во соработка со Министерството за култура и туризам и Министерството за млади и спорт на Турција, Генералната управа за забава на Кралството Саудиска Арабија, Кралската шпанска фудбалска федерација, Турската фудбалска федерација, компанијата за организација на настани Sela Events и турската агенција за комуникации и маркетинг Hezarfen Ajans.

To top