Спорт

Македонскиот репрезентативец Митровски со прв гол сезонава за Олимпија (ВИДЕО)

Напаѓачот со осум настапи за Македонија го отвори резултатот во првенствената победа од 3:0 над Бриње од Гросупле

Димитар Митровски го дочека својот првенец сезонава во осмото коло од Првата фудбалска лига на Словенија, придонесувајќи за победата од 3:0 на Олимпија против Бриње Гросупле во Љубљана

Напаѓачот со осум настапи за репрезентацијата на Македонија го отвори резултатот со удар со глава во 27. минута (на видеото најдолу околу третата минута по почетокот) и на теренот помина 65 минути, кога беше заменет.

Зад името на 27-годишното засилување за „змајчеки“ во најскапиот трансфер во клупската историја од 1,1 милиони евра во јуни минатата година стои и една асистенција во ремито 1:1 со Марибор во петтиот круг од првенството.

Тимот на Митровски, кој од клупата го води македонскиот тренер Југослав Тренчовски, со третата победа сезонава се искачи на петтото место на табелата со 11 бода, колку што има и четвртопласираниот Целје, а води Марибор со 15.

Најнови вести од: Спорт

Во продажба билетите за Суперкупот со четири шпански гиганти: Фудбалскиот спектакл на Шпанија пристигнува во Истанбул

Суперкупот на Шпанија 2027 во Истанбул се организира во соработка со Министерството за култура и туризам и Министерството за млади и спорт на Турција, Генералната управа за забава на Кралството Саудиска Арабија, Кралската шпанска фудбалска федерација, Турската фудбалска федерација, компанијата за организација на настани Sela Events и турската агенција за комуникации и маркетинг Hezarfen Ajans.

To top