Спорт

Мартинели во последните секунди го одведе Бразил во осминафиналето на СП

Јапонија водеше на полувреме, но петкратниот светски првак, со пресврт во вториот дел, на крајот славеше со 2:1

Со голот на Габриел Мартинели во последните секунди од судиското дополнување, Бразил ја совлада Јапонија со 2:1 во Хјустон и се пласира во осминафиналето на Светското фудбалско првенство во САД, Канада и Мексико.

Кога се очекуваше дека ќе следуваат продолженија, Бруно Гимараеш го пронајде напаѓачот на Арсенал, а тој веднаш биеше во левиот дирек од јапонскиот гол, од кадешто топката се одби во мрежата за огромна радост на „кариоките“ и за исто толкава тага на Јапонците, кои водеа на полувреме со погодокот на Каишу Сано во 29. минута.

Израмни Касемиро со глава во 56. минута, најавувајќи ја опсадата на противничкиот гол до крајот на мечот, која на крајот даде резултат и петкратниот светски првак низ иглени уши се проби меѓу 16. најдобри селекции на мундијалот.

Следна пречка за составот на Карло Анчелоти на 5 јули во Њу Џерси ќе биде победникот од дуелот меѓу Брегот на Слоновата Коска и Норвешка закажан за утревечер од 19 часот по средноевропско време.

Најнови вести од: Спорт

Во продажба билетите за Суперкупот со четири шпански гиганти: Фудбалскиот спектакл на Шпанија пристигнува во Истанбул

Суперкупот на Шпанија 2027 во Истанбул се организира во соработка со Министерството за култура и туризам и Министерството за млади и спорт на Турција, Генералната управа за забава на Кралството Саудиска Арабија, Кралската шпанска фудбалска федерација, Турската фудбалска федерација, компанијата за организација на настани Sela Events и турската агенција за комуникации и маркетинг Hezarfen Ajans.

Најнови вести

To top