Австријката Лили Тагер беше непремостлива пречка за Лина Ѓорческа и во четвртфиналето на третиот тениски турнир во Куршумлиска Бања, кој се игра на земјени терени и за награден фонд од 60.000 американски долари, откако го доби меѓусебниот дуел пред пет дена во финалето во Букурешт.
Освојувачката на годинашниот Ролан Гарос за јуниори и 275. на ВТА-листата во сингл славеше над втората носителка од Македонија (207.) со 6-3, 5-7, 7-6 (5) по 2:31 часа игра.
Најдобрата македонска тенисерка водеше со 4-3 во тај-брејкот, потоа израмни на 5-5 со брејк, но на крајот потклекна на сопствен сервис при првата меч-топка за противничката.