Спорт

Трпеливоста е клучот против Македонија, смета Белами

Селекторот на Велс пред дуелот во Кардиф од мундијалските квалификации предупредува за македонските одбрана и контранапади

Селекторот на Велс, Крег Белами, ги советува неговите избраници да бидат претпазливи против Македонија во директниот дуел за второто место во квалификациската група Ј што носи домашен терен во полуфиналето од баражот за Светското првенство 2026 во САД, Мексико и Канада.

„Знаеме дека треба да победиме, но мораме да бидеме и трпеливи. Тоа е клучот, бидејќи Северна Македонија се брани длабоко. Тие се среќни ако немаат посед на топката, но имаат способност за контранапад, па затоа мора да бидеме свесни за тоа“, изјави тој за утрешниот натпревар од 20:45 часот во Кардиф.

Во отсуство на повредениот Бен Дејвис и на „пожолтениот“ Итан Ампаду, капитенската лента во реваншот со Македонија ќе ја носи повратникот Хари Вилсон, играч за врска на англискиот премиерлигаш Фулам.

Со оглед на подобрата гол-разлика на „црвено-жолтите“, Велшаните мора да победат за да ги симнат избраниците на селекторот Благоја Милевски од второто место на табелата.

Најнови вести од: Спорт

Во продажба билетите за Суперкупот со четири шпански гиганти: Фудбалскиот спектакл на Шпанија пристигнува во Истанбул

Суперкупот на Шпанија 2027 во Истанбул се организира во соработка со Министерството за култура и туризам и Министерството за млади и спорт на Турција, Генералната управа за забава на Кралството Саудиска Арабија, Кралската шпанска фудбалска федерација, Турската фудбалска федерација, компанијата за организација на настани Sela Events и турската агенција за комуникации и маркетинг Hezarfen Ajans.

Најнови вести

To top