Вардар ќе презими на врвот на табелата во Првата македонска фудбалска лига благодарејќи на победата од 2:1 кај Македонија Ѓорче Петров во 16. коло за 42 бода, еден повеќе од Струга, која славеше со 1:0 против Тиквеш во Кавадарци.
Јунак на „црвено-црните“ е Азер Омерагиќ, кој со два гола за четири минути во второто полувреме донесе пресврт, погодувајќи во 63 и 67 минута, откако „лавовите“ ги донесе во водство Колумбиецот Хосе Ернандо Еступињан Риаскос во 54. минута.
Омерагиќ со 8 погодоци се искачи на делба на четвртото место на листата на стрелците.
Во првото пролетно коло на 15 февруари најтрофејниот македонски клуб го очекува градското дерби со Работнички.