Партијата на шоуменот Слави Трифонов, „Има таков народ“ (ИТН) е загрижена за тоа што се случува во Европскиот парламент во врска со напредокот на Република Македонија кон членство во Европската Унија, јавуваат бугарски медиуми.
Известувачот Томас Вајц е од групата на Зелените и Европската слободна алијанса – партијата која, според ИТН, зазема антибугарска позиција.
Во четвртокот, европратеникот од ИТН, Ивајло Валчев, испрати писмо до претседателката на Европскиот парламент, Роберта Мецола, на оваа тема.
ИТН инсистира премиерот Росен Жељазков и министерот за надворешни работи Георг Георгиев да реагираат на спорната позиција.
Следната недела, партијата на Слави Трифонов ќе му предложи на парламентот став за членството на РСМ во ЕУ.
„Целта е да се спречи притисок зад сцената за непречен влез на земјата во ЕУ без исполнување на нејзините обврски кон Бугарите“, истакнува Балабанов.
ИТН ќе бара и разрешување на известувачот на ЕП, Томас Вајц.