Според последниот извештај на Организацијата за храна и земјоделство на Обединетите нации (ФАО), просечната вредност на индексот на цените на храната на ФАО во април изнесуваше 130,7 поени, што претставува раст од 1,6% споредено со ревидираната мартска вредност и 2% повеќе во однос на ланскиот април.
Показателот за цените на житарките од ФАО забележа пораст од 0,8% во април во споредба со претходниот месец.
Поскапувањето е дополнително стимулирано од предвидувањата за намалување на површините под пченица во 2026 година, бидејќи земјоделците се насочуваат кон посеви кои бараат помалку ѓубрива, поради актуелните високи цени на истите.
Цените на ѓубривата се покачија како резултат на зголемените трошоци за енергија и нарушувањата поврзани со затворањето на Ормускиот Теснец.
Индексот на цените на растителното масло од ФАО се зголеми за 5,9% од март, достигнувајќи го највисокото ниво од јули 2022 година. МИА