„
Зза да ги намали трошоците, „Фолксваген“ планира да намали уште 50.000 работни места во наредните годиниобјави вечерва германскиот производител на автомобили.
„Фолксваген“ го опиша глобалното намалување на работната сила како неопходно за постигнување на целите на својата програма за трансформација. Иднината на четири фабрики е неизвесна, додаде компанијата.
За фабриките во Емден, Цвикау, Хановер и Некарсулм, профитабилноста на континуираното работење од 2031 до 2034 година не може да се гарантира. „Алтернативните употреби се испитуваат паралелно и како дополнителна мерка за овие фабрики“, соопшти компанијата.
Концепт за одржлива и конкурентна производствена структура за европските фабрики, кој е усогласен со целокупната визија на компанијата, треба да се развие до крајот на јуни 2027 година. „Планот за иднината создава услови за групацијата „Фолксваген“ и нејзините брендови да станат поспособни, поконкурентни и ориентирани кон иднината“, се вели во соопштението на компанијата.
„Според мислењето на менаџментот и надзорниот одбор, спроведувањето на планот е апсолутно неопходно за зачувување на конкурентноста на групацијата „Фолксваген“, се додава во соопштението.
По интензивни и конструктивни дискусии, Надзорниот одбор „едногласно го одобри“ сеопфатниот План за иднината 2030 на групацијата „Фолксваген“.