Свет

(Фото) Возач во Франција возел 221 км/ч каде што е дозволено 70 км/ч, остана без возачка и автомобил

Делница со тунели и непрегледни кривини, поради што ограничувањето на брзината е значително пониско

Возач на „Mercedes-AMG A45“ останал без возачка дозвола и без својот автомобил откако бил фатен како вози со брзина од 221 километар на час на пат во францускиот Марсеј, каде што дозволената брзина е само 70 километри на час.

Станува збор за делница со тунели и непрегледни кривини, поради што ограничувањето на брзината е значително пониско.

Според француските прописи, надминување на дозволената брзина за повеќе од 50 километри на час повлекува строги санкции. На возачот веднаш му била одземена возачката дозвола, а автомобилот бил префрлен на полициски паркинг. Судот може да му изрече и висока парична казна, одземање казнени поени, па дури и трајна конфискација на возилото.

Фотографијата што ја објавила полицијата покажува бел „Mercedes-AMG A45“ со неколку визуелни модификации, меѓу кои голем заден спојлер и изменет заден браник.

Станува збор за претходната генерација на моделот „Mercedes-AMG A45“, кој располага со 381 коњска сила и 475 Nm вртежен момент од 2,0-литарски турбобензински мотор, во комбинација со погон на сите тркала и автоматски менувач со двојна спојка.

Од полицијата порачаа дека ваквото опасно возење можело да има трагични последици и за возачот и за другите учесници во сообраќајот.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

To top