Иран бара репарации за нападите врз неговата територија, укинување на сите санкции и затворање на сите американски воени бази во Персискиот Залив како услови за завршување на војната со САД и Израел, објави „Волстрит џорнал“, повикувајќи се на извори запознаени со ова прашање.
Покрај тоа, Иран бара гаранции дека војната нема да започне повторно, како и запирање на нападите на Израел врз либанскиот посредник на Иран, Хезболах.
Според изданието, барањата на Иран, исто така, наводно вклучуваат нов договор во Заливот што ќе ѝ овозможи на Исламската Република да наплаќа такса од бродовите што минуваат низ стратешкиот Ормузски теснец, низ кој поминува една петтина од светската нафта.
Во меѓувреме, Иран одбива да преговара за ограничувања на својата програма за балистички ракети.
Иранските услови споменати во извештајот не се однесуваат на нуклеарната програма на земјата.
Весникот цитира американски функционер кој рекол дека барањата на Иран биле смешни и нереални, а арапски и американски функционери велат дека ставот на Иран ја прави можноста за договор уште подалечна отколку пред војната.
Изворите цитирани од веникот велат дека пораките меѓу Иран и САД биле пренесени индиректно преку посредници од Блискиот Исток кон крајот на минатата недела.
Претходно, САД поднесоа план од 15 точки за завршување на војната, кој вклучувал крај на поддршката на Иран за регионалните терористички посредници, ограничувања на неговата програма за балистички ракети и демонтирање на неговата нуклеарна програма.