Свет

Израел започна копнена офанзива во Газа

Израел започна нова копнена офанзива во Газа.

https://x.com/Megatron_ron/status/1958215059118686623/photo/1

Израелските одбранбени сили (ИДФ) објавија дека започнале почетни операции како дел од долгорочен план за копнена офанзива за заземање на градот Газа. Според официјални извори, израелската војска веќе воспоставила контрола над делови од предградијата, вклучително областите Зејтун и Џабалија.

Портпарол на ИДФ изјави дека овие акции се подготвителна фаза за целосно заземање на градот, план што го одобрил министерот за одбрана Израел Кац, а оваа недела треба да биде презентиран пред безбедносниот кабинет на Израел. За поддршка на операцијата, во септември беа мобилизирани околу 60.000 резервисти заедно со активните воени сили.

Од другата страна, Хамас го обвини Израел дека намерно го попречува постигнувањето на договор за прекин на огнот, со цел, како што тврдат, да продолжи со „немилосрдна војна против цивилите“. Тие истакнаа дека израелската влада го отфрлила последниот предлог на посредниците за ослободување на заложниците, обвинувајќи го премиерот Бенјамин Нетанјаху дека е „главната пречка за каков било договор“.

Палестинските медиуми известуваат дека жителите на Газа масовно ги напуштаат своите домови поради страв од голема офанзива. Се очекува стотици илјади луѓе да добијат наредба за евакуација кон јужниот дел на Појасот Газа, каде се подготвуваат привремени засолништа.

Планот на Израел наиде на критики и од неговите сојузници. Францускиот претседател Емануел Макрон предупреди дека операцијата може да предизвика „катастрофални последици за двете страни и да ја вовлече регијата во нов бран на конфликти“.

Меѓународниот комитет на Црвениот крст изрази загриженост дека ескалацијата на борбите и новите раселувања дополнително ќе ја влошат веќе тешката хуманитарна криза за 2,1 милиони жители на Појасот Газа.

Израел минатиот месец ја објави намерата да го стави целиот Појас Газа под своја контрола, откако пропаднаа индиректните преговори со Хамас за прекин на огнот и размена на заложници.

Најнови вести од: Свет

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

Кремљ ја укинува забраната за ликвидација на Зеленски и военото раководство?

Претставници на безбедносните служби побарале дозвола за физичка елиминација на највисокото воено и политичко раководство на Украина, пишува „Московски комсомолец“, руски весник близок до властите

To top