Британска радио станица се извини за „секоја предизвикана вознемиреност“ откако случајно објави дека кралот Чарлс починал.
Радиото ја пушти химната „Боже, чувај го кралот“. Водителите објавија дека редовната програма е прекината поради смртта на кралот.
15 минути подоцна, водителите се вратија во етер и се извинија за инцидентот.
Инццидентот се случил во вторник попладне поради компјутерска грешка во главното студио на Радио Каролина во Есекс, јави Гардијан
Менаџерот на станицата, Питер Мур, тоа го објасни во објава на Фејсбук:
„Поради компјутерска грешка во нашето главно студио, процедурата„Смрт на монарх“, која сите британски станици ја чуваат во подготвеност, надевајќи се дека нема да ја бараат, беше случајно активирана во вторник попладне (19 мај), погрешно објавувајќи дека кралот починал.
„Радио Каролина потоа замолкна како што беше потребно, што нè предупреди да ја вратиме програмата и да издадеме извинување во етерот.
Се извинуваме на Неговото Кралско Височество и на нашите слушатели за евентуалната непријатност.“
Во објавата не се наведува колку време поминало пред да се открие грешката, но во среда попладне, репродукцијата на емитувањето во вторник помеѓу 13:58 и 17:00 часот не била достапна на веб-страницата на станицата.
Ова е втор пат погрешноо да се лиферува вест за смртта на сегашниот крал на Велика Британија.
Претходниот случај беше во март 2024 година, кога во медиумите беше дистрибуиран лажен документ, наводно објавен од Бакингемската палата, во кој се зборуваше за смртта на монархот.
Инцидентот се случил додека кралот и кралицата биле во Северна Ирска, каде што се придружиле на фолк група за настап.
Основано во 1964 година, Радио Каролина е поранешна пиратска радио станица која работела од бродови покрај англискиот брег.
Откако законодавството во 1967 година ги принудило многу пиратски радиодифузери да се затворат, тоа продолжило со прекини пред да ги прекине емитувањата на отворено море во 1990 година.