Свет

Лавров го пофали Трамп за мировните напори во Украина

Рускиот министер за надворешни работи, Сергеј Лавров, го пофали поранешниот американски претседател Доналд Трамп за неговата заложба за постигнување траен мир во Украина

Рускиот министер за надворешни работи, Сергеј Лавров, го пофали американски претседател Доналд Трамп за неговата заложба за постигнување траен мир во Украина, додека истовремено ги критикуваше европските лидери за нивниот пристап кон конфликтот.

Во изјава за државната телевизија Росија 24, Лавров зборуваше за средбата меѓу Трамп и рускиот претседател Владимир Путин на Алјаска, опишувајќи ја атмосферата како „исклучително позитивна“.

„Се гледаше дека американскиот лидер и неговиот тим се искрено посветени на постигнување долгорочно, стабилно и сигурно решение“, истакна Лавров.

Овие коментари доаѓаат по изјавата на Трамп од претходниот ден, во која тој нагласи дека прекинот на огнот не е задолжителен услов за постигнување мировен договор во тековниот конфликт меѓу Русија и Украина.

Од друга страна, Лавров остро ги осуди европските лидери, обвинувајќи ги дека нивниот фокус е ограничен на барање за прекин на огнот, по што продолжуваат да ја вооружуваат Украина, според неговите зборови.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top