Германскиот канцелар изјави дека Германија треба да се повлече од следниот Евровизиски натпревар во Виена доколку Израел биде исклучен.
На прашањето во интервју за јавниот радиодифузен сервис АРД дали Германија треба доброволно да се повлече од настанот, германскиот канцелар Фридиирих Мерц одговори:
„Би го поддржал тоа. Мислам дека е скандал што воопшто се дискутира за тоа. Израел припаѓа таму.“
Врз организаторите на „Евросонг“ се зголемува притисокот со недели, а неколку радиодифузери, вклучувајќи ги и оние од Шпанија, Ирска и Холандија, се заканија дека ќе се повлечат доколку на Израел не му биде забрането учество, наведувајќи ја воената акција на земјата во Појасот Газа.
Европската радиодифузна унија (ЕБУ) кон крајот на минатиот месец изјави дека ќе одржи онлајн состанок на сите свои членови во ноември за да гласаат дали да учествуваат на натпреварот во 2026 година.
Следниот Евровизиски натпревар треба да се одржи во Виена во мај 2026 година.
Големи јавни протести против учеството на Израел на Евровизискиот натпревар се одржаа оваа и минатата година.