Свет

Милановиќ: Хрватска да прекине трговија со оружје за Израел

Неделава Словенија, како прва европска земја, забрани на извоз и транзит на воено оружје и опрема од или преку Словенија во Израел

1 минута за читање

Хрватскиот претседател Зоран Милановиќ ја повика хрватската влада да ја запре трговијата со оружје и воена опрема со Израел, соопшти Канцеларијата на претседателот, додавајќи дека Милановиќ наредил прекин на воената соработка со таа земја уште во мај.

„Бидејќи купувањето и продажбата на оружје и воена опрема е одговорност на хрватската влада, претседателот на Републиката ја повикува хрватската влада да дејствува рамноправно и да ја запре трговијата со оружје и воена опрема со сегашната влада на Државата Израел“, изјави портпаролот Никола Јелиќ.

Оваа недела, Словенија, како прва европска земја што одлучи за таква мерка, донесе одлука за забрана на извоз и транзит на воено оружје и опрема од или преку Словенија во Израел, или увоз од Израел во Словенија.

Поврзани теми:

словенија|Израел|Хрватска|оружје|актуелно|Милановиќ

Повеќе на оваа тема:

Најнови вести од: Свет

Нов удар на Трамп врз Брисел: се зголемуваат за 25 отсто царините за автомобили и камиони од ЕУ

Американскиот претседател Доналд Трамп најави дека неговата влада ќе ги зголеми царините за автомобили и камиони од Европската Унија на 25 проценти уште од следната недела. Тој го обвини Брисел дека не го почитува претходно договорениот трговски договор. Овој најнов потег би можел да ги заостри уште повеќе трговските односи меѓу Соединетите Американски Држави и ЕУ, особено во автомобилскиот сектор.

Бардела, можниот кандидат за претседателските избори во Франција во 2027, најави отстранување на знамето на ЕУ од Елисејската палата, ако победи!

„Французите поседуваат вековна сила, способна да го разгори нивниот пламен како народ кога сè изгледа дека тој пламен бледнее. Сега реалноста во Франција е горчлива: по десет години макронизам, нашата земја страда од невидено индустриско и земјоделско распаѓање. “ – порачаа Жордан Бардела и Мари Лепен, лидери на партијата Национално собирање на Франција, на вчерашниот митинг одржан во Париз. Инаку, на 30 април, еден ден пред митингот, Жордан Бардела отворено најави отстранување на знамето на ЕУ од претседателската Елисејска палата и од премиерската резиденција Матињон, ако победи на претседателските избори во 2027 година. Во својата изјава Бардела нагласи дека „Елисејската палата не е обична зграда, туку место со силно историско и симболично значење“. Како што рече, „тоа е дом на францускиот народ“ и „токму затоа верува дека таму треба да се истакнува само француското знаме“. Во меѓувреме, на крајот на годинашниов март, неколку градоначалници од редовите на Националното собирање, избрани на општински избори, веќе ги отстранија знамињата на Европската Унија од своите општински сали.

Хаос на аеродромите и на границите на ЕУ, откако се воведе ЕЕС-системот, пропуштени летови, нервозни патници, кои се онесвестуваат, чекајќи со часови!

Воведувањето на системот за влез/излез (EES) предизвикува чекање со часови, пропуштени летови и нервозни патници низ цела Европа. Воведувањето на новиот систем за влез/излез (EES), кој се спроведува во повеќето земји од ЕУ, предизвика сериозни проблеми на аеродромите и граничните премини низ цела Европа.

Индиецот го ископал од гробот и го донел скелетот на починатата сестра во банката, за да може да ја подигне нејзината заштеда! (Видео)

Маж од Источна Индија тврди дека бил принуден да го однесе скелетот на неговата сестра во банка за да ја докаже нејзината смрт откако не успеал да ги повлече нејзините заштеди. Видео од државата Одиша, на кое 52-годишниот Џиту Мунданоси носи скелет во банка, стана вирално и предизвика јавен бес. Тој тврди дека го направил тоа од фрустрација бидејќи не можел да пристапи до парите, бидејќи немал официјален доказ за смрт.
Сите вести од Свет

Најнови вести

To top