Во текот на ноќта, Русија изврши еден од најжестоките напади врз Украина од почетокот на војната, објавија украинските власти. Според податоците на воздухопловните сили, вкупно се испукани 629 ракети и дронови – од кои 598 беа дронови и 31 ракети – на 13 локации низ земјата.
Киев беше меѓу целите, а властите го опишаа нападот врз главниот град како „масовен“. Војската тврди дека се соборени 563 дронови и 26 ракети, додека остатоци паднале на 26 различни локации.
Бројот на загинати се зголемува, досега има 18, од кои четири се деца, а едно од нив имало две години.
Видео од моментот на рускиот напад врз Киев се шири на социјалните мрежи.
Русија објави дека воени локации и воздухопловни бази биле цел на големиот ноќен напад врз Украина.
Руското Министерство за одбрана тврди дека целите се исклучиво воени и дека е извршен „групен напад“ со хиперсонични ракети и беспилотни летала. Тие додадоа дека ги погодиле сите цели што ги планирале.