Владата на Норвешка денеска објави дека ќе донира системи за воздушна одбрана на Украина вредни приближно 7 милијарди норвешки круни односно 696,12 милиони долари, јави Ројтерс.
„Заедно со Германија, сега осигуруваме дека Украина ќе добие моќни системи за воздушна одбрана“, изјави норвешкиот премиер Јонас Гар Сторе.
Германија и Норвешка тесно соработуваат за да ја поддржат Украина во нејзините напори да се одбрани и во нејзините обиди да го заштити цивилното население од руските воздушни напади, нагласи тој.
Норвешка и Германија ја финансираат испораката на два системи „Патриот“ во Киев, како и ракети за нив.
Норвешка учествува во испораката на радар за воздушна одбрана произведен од германската компанија „Хенсолт“, како и системи за воздушна одбрана од компанијата „Кенгсберг“.