Свет

ОН: Бројот на мртви во земјотресите во Венецуела би можел да достигне 10.000!

Обединетите нации се подготвуваат за најлошото сценарио и се надеваат дека црните прогнози нема докрај да се остварат

Координаторот за хуманитарни прашања на Обединетите нации за Венецуела, Џанлука Рампоља дел Тиндаро, денеска објави дека ОН се подготвува за можноста бројот на жртви од земјотресите што неодамна ја погодија земјата да достигне 10.000.

Повикувајќи се на најновата официјална бројка од 1.450 жртви од земјотресите што се случија на 24 јуни, тој рече дека бројката „неизбежно и за жал ќе продолжи да расте“, објави Скај њуз.

Тиндаро додаде дека ОН работи со претпоставката дека бројот ќе се искачи на 10.000 мртви, но изрази надеж дека „бројката всушност ќе биде помала од тоа“.

Тој рече дека венецуелската влада води голема хуманитарна операција во земјата.

„Најмалку 2.500 објекти се погодени од катастрофата, од кои повеќето се урнаа“, изјави претставникот на ОН.

Тиндаро, исто така, рече дека се очекува „тропскиот бран“ што ќе ја достигне Венецуела да донесе обилни врнежи од дожд во следните неколку часа, што, според него, би можело да предизвика тешкотии за раселените лица од земјотресот.

На 24 јуни, Венецуела беше погодена од два исклучително силни, последователни земјотреси со јачина од 7,2 и 7,5 степени според Рихтеровата скала, кои се случија во интервал од 39 секунди.

Крајбрежната држава Ла Гваира беше најтешко погодена, а вкупниот број на жртви во земјата надмина 1.450 луѓе, илјадници беа повредени, а десетици илјади беа исчезнати и раселени.

По овие два разорни земјотреси, Венецуела беше погодена од околу стотина последователни потреси со помал интензитет.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top