Францускиот премиер Франсоа Бајру ја изгуби довербата на парламентот, по гласањето во Националното Собрание со кое неговата влада официјално падна. Од вкупниот број пратеници, 364 гласаа „за“, а 194 „против“.
Бајру најави дека утре ќе ја поднесе оставката до претседателот Емануел Макрон. До назначувањето на негов наследник, тој најверојатно ќе продолжи да ја извршува функцијата во технички мандат.
Претседателот Макрон сега се наоѓа пред неколку опции: избор на нов премиер, распишување на нови парламентарни избори или отворање можност за претседателски избори. Најризичен потег би бил нови парламентарни избори, кои според аналитичарите би можеле дополнително да ја зајакнат крајната десница предводена од Марин Ле Пен.
Политичката криза ја зафаќа Франција во момент кога земјата се бори со сериозни економски проблеми – јавниот долг надминува 113 отсто од БДП, а буџетскиот дефицит останува висок.