Голем инцидент ја нарушил пробата за традиционалната парада по повод Денот на Републиката во Италија, откако неовластено активирање на пиротехнички средства предизвикало паника кај церемонијалните коњи.
Инцидентот се случил во петокот околу 23:30 часот во близина на античките Каракалини бањи, каде што се одржувала пробата за парадата на 2 јуни. Силните детонации ги исплашиле коњите, од кои околу 35 избегале и се разбегаа низ прометните улици на Рим.
Во настанатата паника, неколку јавачи паднале од седлата. Најтешко повреден е 22-годишен војник, кој се здобил со скршени ребра и прободено белодробно крило. Неговиот живот не е во опасност. Повредени се и околу 15 коњи, но ниту едно животно не било во толку тешка состојба што би наложило евтаназија.
Последниот коњ бил пронајден дури во раните утрински часови, на околу 14 километри од местото на настанот.
Командантот на римската полиција, Марио Де Склавис, изјави дека инцидентот сериозно го нарушува угледот на полицискиот корпус и најави строга истрага. Според првичните информации, пиротехничките средства ги активирал сообраќаен полицаец без претходно одобрение.
📹 Varios caballos preparados para el desfile del Día de la República en Roma salen en estampida tras un ruido similar a fuegos artificiales y galopan por las calles, ante el asombro de los conductores pic.twitter.com/NrLXwDXSli
— EL PAÍS (@el_pais) May 30, 2026