Кабинскиот персонал во втората по големина канадска авиокомпанија, „Вестџет“ (WestJet) денеска стапија во штрајк, поради што се откажани повеќе од 300 летови.
Околу 4.400 членови на кабинскиот персонал го најавија штрајкот на својата Фејсбук страница. Тие се во спор со компанијата за плаќањето на нивните извршените обврски додека се на земја.
Синдикатот тврди дека тој дел од работата на кабинскиот персонал не е платена, додека „Вестџет“ тврди оти тие се исплатени, повикувајќи се на систем на „кредитен час“ наместо саатница.
– Го претставивме предлог што ќе постави нов стандард за кабинскиот персонал во Канада, со што „Вестџет“ ќе стане единствената авиокомпанија што нуди саатница што го покрива целото време пред и по летот, со зголемување на платата за повеќе од 10 проценти во првата година и исполнување на другите приоритети што ги зацрта синдикатот“, изјави извршниот директор на компанијата, Алексис фон Хенсбрук, додавајќи дека „за жал, тој предлог не бил прифатен“.
Претседателката на синдикалниот огранок, што ги претставува кабинските персонал, Алија Хусеин наведе дека преговарачите „до последен момент се обидувале да постигнат фер договор што ја признава вредноста на работата на кабинските персоналот“.
Според неа понудата на ВестЏет „не била доволна“.
Двете страни изјавија дека се подготвени да продолжат со преговорите за да постигнат договор.