Свет

Првпат во историјата: Француски специјалци пресретнаа „нарко-подморница“ во Атлантикот(ВИДЕО)

Пловилото не истакнувало никакво знаме

За првпат во историјата француската морнарица пресретна таканаречена „нарко-подморница“ во Атлантикот. Морнарицата објави и снимки од операцијата.

Според соопштението на француското Министерство за вооружени сили, објавено на 15 ноември, француска фрегата го пресретнала пловилото кое не истакнувало знаме.

Во акцијата учествувале хеликоптер од фрегатата и американски поморски патролен авион под команда на Заедничката меѓуагенциска оперативна група – Југ. Пресретнувањето било извршено согласно меѓународното поморско право.

Додека тимот се приближувал, тројца од четворицата луѓе внатре скокнале во морето.

Француските морнари се качиле на пловилото и го извлекле четвртиот, кој во меѓувреме веќе го активирал системот за потонување. Полуподморницата потонала за помалку од три минути.

Сите четворица осомничени биле извлечени од водата. Потоа биле собрани остатоци и четири пакети со вкупно 146 килограми кокаин. Останатиот товар, тежок неколку тони, потонал заедно со пловилото.

Министерката Катрин Вотрен ги пофали екипажите за нивниот професионализам и одлучност за време на операцијата на отворено море.

Најнови вести од: Свет

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

Кремљ ја укинува забраната за ликвидација на Зеленски и военото раководство?

Претставници на безбедносните служби побарале дозвола за физичка елиминација на највисокото воено и политичко раководство на Украина, пишува „Московски комсомолец“, руски весник близок до властите

To top