Свет

Путин: Русија е подготвена да му помогне на иранскиот народ

Русија презема мерки за давање помош на иранскиот народ на фонот на ескалацијата на Блискиот Исток, изјави рускиот претседател Владимир Путин на денешната средба во Москва со министерот за надворешни работи на Иран, Абас Аракчи. „Ние имаме долгорочни, добри и надежни односи со Иран. Од наша страна правиме напори за да му помогнеме на иранскиот […]

Русија презема мерки за давање помош на иранскиот народ на фонот на ескалацијата на Блискиот Исток, изјави рускиот претседател Владимир Путин на денешната средба во Москва со министерот за надворешни работи на Иран, Абас Аракчи.

„Ние имаме долгорочни, добри и надежни односи со Иран. Од наша страна правиме напори за да му помогнеме на иранскиот народ“, изјави Путин.

„Русија е на вистинската страна на историјата и на меѓународното право“, реплицира Аракчи, додавајќи дека Иран им благодари на руските пријатели за „решителната осуда на агресивните дејства“ против Исламската Република.

Путин разговараше по телефон и со ирачкиот премиер Мохамед ал Судани, при што беа разменети мислења за ситуацијата на Блискиот Исток, со акцент на нападите врз Иран од Израел и од САД.

За време на разговорот двајцата соговорници се договорија да содејствуваат за спроведувањето на првата руско-арапска средна на врвот во октомври, соопшти прес-службата на Кремљ.

Најнови вести од: Свет

Трамп и Си се согласија да ги намалат трговските царини

Американскиот претседател Доналд Трамп и претседателот на Кина Си Џинпинг се договориле да се намалат царините за Кина во замена за тоа Пекинг да се справи со нелегалната трговија со фентанил, да продолжи со купувањето на соја од САД и да го одржи извозот на ретки метали.

Уапсени осомничени за кражбата во „Лувр“ – делумно признале вина

Двајца осомничени уапсени за спектакуларната кражба на накит во музејот Лувр „делумно“ ја признаа својата вмешаност, потврди париската обвинителка Лаура Бекуо. Четворица крадци украле девет парчиња накит на 19 октомври, додека светски познатиот музеј бил отворен за посетители. Еден од предметите паднал и бил пронајден на местото на настанот. Бекуо додаде дека украдениот накит сè уште не е пронајден.

To top