Свет

Русија би можела да го нападне НАТО со „зелени човечња“

Мислење на белгискиот министер за одбрана Тео Франкен

 

Во иднина, Русија може да нападне една или повеќе земји од НАТО. Таквото сценарио, сепак, не би било слично на целосен упад во Украина. Ова мислење го изрази белгискиот министер за одбрана Тео Франкен во интервју за украинскиот весник „Телеграф“, пренесе Њуз.бг

„Мислам дека нема да започнат со целосен упад на територијата на НАТО. Напротив, може да се случи нешто како сценарио слично на она во Донбас во 2014 година: сè започнува со „востание“ на рускојазичното малцинство кое треба да биде „заштитено од татковината“.

Потоа, тука се таканаречените „зелени човечиња“ кои наводно не се руски воен персонал, туку само луѓе кои одеднаш дошле да го заштитат руското малцинство“, рече тој.

Франкен забележа дека Русија направила слични работи во Грузија и Молдавија. Тој верува дека Москва не би се осмелила да започне отворен напад врз земја-членка на НАТО, вклучително и Финска, бидејќи Русите знаат дека ќе изгубат.

„Пристапот ќе биде многу повешт. Конвенционално кажано, тие би можеле да заземат град во Естонија, на пример, а потоа да кажат: „Треба да ги заштитиме Русите тука. Овој град е наш. Ова е Русија“, додаде белгискиот министер за одбрана.

Франкен истакна дека целосна руска инвазија на една или повеќе земји-членки на НАТО е малку веројатна. Според него, тоа би можело да биде посложена интервенција.

Најнови вести од: Свет

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

Кремљ ја укинува забраната за ликвидација на Зеленски и военото раководство?

Претставници на безбедносните служби побарале дозвола за физичка елиминација на највисокото воено и политичко раководство на Украина, пишува „Московски комсомолец“, руски весник близок до властите

To top