Според овие правила кои стапуваат идната недла, дозволени ќе бидат најмногу 300 престои на странски верници месечно, со исклучок на верниците од Грција и Кипар, пренесоа грчките црковни медиуми, објави дописникот на МИА од Атина.
Интернет порталот „Ромфеа“ информира дека целта на овие нови мерки за странските верници е да се сочува спокојниот карактер на Света Гора, поради наглото зголемување на бројот на посетители (најчесто од Романија) во изминатите месеци.
На почетокот на годината беа воведени одредени мерки, вклучувајќи задолжително доставување барања за посета најмалку еден ден пред пристигнувањето, ограничен број на верници во текот на месецот и посета само со претходно одобрена покана.
Сепак, како што пренесуваат грчките медиуми, и покрај овие мерки, бројот на посетители продолжува да расте.
Порталот цитира дека „многу претставници на Светите манастири го вклучија алармот за можно претворање на Света Гора во туристичка дестинација“.
Грчките медиуми пренесуваат дека во текот на 2024 година, Света Гора ја посетиле 158.000 верници, што е за околу 8.000 повеќе во споредба со претходната година, а најбројни, веднаш по грчките верници, биле верниците од Романија.