Четворица вработени во Ал Џезира, вклучувајќи го и новинарот Анас Ал Шариф, беа убиени во израелски напад врз шатор за новинари пред главната порта на болницата Ал-Шифа во Газа, објави Ал Џезира.
Израелската војска вчера објави дека го убила новинарот на Ал Џезира, Анас Ал Шариф (28), во напад врз градот Газа, обвинувајќи го дека раководел со ќелија на Хамас.
Според израелската војска „Анас Ал Шариф служел како водач на терористичка ќелија во рамките на терористичката организација Хамас и бил одговорен за ракетни напади врз израелски цивили и војници на ИДФ“.
Ал Џезира објави дека новинарot бил убиен во она што се чини дека е целен израелски напад врз шатор пред болницата Ал-Шифа.
Дописникот на Ал Џезира, Мохамед Крејкех, и снимателите Ибрахим Захер и Мохамед Нуфал, исто така, биле убиени во нападот.
