Свет

Унгарија чека руска нафта низ нафтоводот „Дружба“

Победникот на изборите и иден премиер Петер Маѓар го повика украинскиот претседател Володимир Зеленски што е можно поскоро да пушти руска нафта низ нафтоводот, кој беше оштетен во јануари

Унгарија очекува нафтата повторно да тече низ нафтоводот „Дружба“ денеска, објави „Блумберг“.

Часови пред објавата во Унгарија, победникот на изборите и иден премиер Петер Маѓар го повика украинскиот претседател Володимир Зеленски што е можно поскоро да пушти руска нафта низ нафтоводот, кој беше оштетен во јануари:

„Можам да му кажам на украинскиот претседател следново: не се познаваме, не сме разговарале по телефон или на кој било друг начин, но ова не е игра. Ако нафтоводот „Дружба“ е способен да транспортира сурова нафта, барам да се отвори во согласност со преземените обврски.

Сакаме Русите да го снабдуваат со сурова нафта, бидејќи без соработка на двете страни, едноставно не функционира. Имаме информации дека ова би можело да се случи во наредните денови, како што веќе објавија голем број извори.“

Според информациите од агенцијата Франс Прес, се очекува амбасадорите на земјите-членки во Европската Унија да дадат „зелено светло“ за заемот од 90 милијарди евра за Украина, кој беше блокиран од Унгарија поради прекин на транзитот преку „Дружба“.

Вршителот на должноста унгарски премиер Виктор Орбан вчера потврди дека ќе ја укине блокадата на заемот штом нафтоводот повторно ќе биде во функција.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

To top