Во интервју со американската новинарка Елиз Ан Ален за книгата „Папа Лав XIV: Глобален граѓанин, мисионер на 21 век“, првиот човек на Католичката црква вели дека ја дели желбата на неговиот претходник, Франциско, да ги прими сите во Црквата, „но јас не поканувам некого затоа што има специфичен идентитет или не“, објави Франс прес.
Неговиот претходник, папата Франциско, кој почина во април на 88-годишна возраст, даде бројни изјави во кои ги поздравува луѓето што традиционално се сметаат за „грешници“ во Црквата.
Но, Лео рече дека е „многу малку веројатно, сигурно во блиска иднина“, дека доктрината на црквата за сексуалноста или бракот ќе се промени.
„Мислам дека учењето на Црквата ќе продолжи какво што е“, е ставот на Лав кој беше избран за папа пред 4 месеци.
Одлуката на Франциско да дозволи благослов за истополови парови во многу ограничени околности предизвика реакција од конзервативците, особено во Африка и САД.
Лав- избран во време кога Црквата се соочуваше со сериозни внатрешни поделби – рече дека „секое прашање поврзано со ЛГБТ+ прашања е многу поларизирачко“, додавајќи:
„Се обидувам да не продолжам да поларизирам или охрабрувам поларизација во Црквата“.
Папата го прими американскиот свештеник Џејмс Мартин, еден од водечките застапници на геј католиците, на приватна аудиенција овој месец.
Но, Лав не им се обрати на околу 1.400 ЛГБТ+ католици кои дојдоа во Ватикан на поклонение.
Тој ја нагласи поддршката за „традиционалното семејство“, кое „е татко, мајка и деца“.
70-годишниот Лав, исто така, ги намали очекувањата за трнливото прашање за жените ѓакони, потенцијално историска реформа што Франциск ги охрабри католичките експерти да ја проучат.
„Во овој момент немам намера да го менувам учењето на Црквата на оваа тема“, рече Лав, но додаде дека е „сигурно подготвен да продолжи да ги слуша луѓето“.
Папата се осврна на еден од најголемите скандали што ја следат Католичката црква во последните децении – сексуалната злоупотреба на деца од страна на свештеници – но рече дека тоа нема да биде главен фокус на неговото папство.