Тема: Франција

Бардела, можниот кандидат за претседателските избори во Франција во 2027, најави отстранување на знамето на ЕУ од Елисејската палата, ако победи!

„Французите поседуваат вековна сила, способна да го разгори нивниот пламен како народ кога сè изгледа дека тој пламен бледнее. Сега реалноста во Франција е горчлива: по десет години макронизам, нашата земја страда од невидено индустриско и земјоделско распаѓање. “ – порачаа Жордан Бардела и Мари Лепен, лидери на партијата Национално собирање на Франција, на вчерашниот митинг одржан во Париз. Инаку, на 30 април, еден ден пред митингот, Жордан Бардела отворено најави отстранување на знамето на ЕУ од претседателската Елисејска палата и од премиерската резиденција Матињон, ако победи на претседателските избори во 2027 година. Во својата изјава Бардела нагласи дека „Елисејската палата не е обична зграда, туку место со силно историско и симболично значење“. Како што рече, „тоа е дом на францускиот народ“ и „токму затоа верува дека таму треба да се истакнува само француското знаме“. Во меѓувреме, на крајот на годинашниов март, неколку градоначалници од редовите на Националното собирање, избрани на општински избори, веќе ги отстранија знамињата на Европската Унија од своите општински сали.

Макрон ја предупреди Турција: Франција ќе реагира доколку биде нарушен грчкиот суверенитет

Денеска, Макрон и Мицотакис ќе ја посетат фрегатата „Кимон“ во Пиреја, ќе одржат работен состанок во Вила Максимос, ќе присуствуваат на потпишување на билатерални договори и ќе дадат заедничка изјава за медиумите.

Трамп се подготвува за поморска војна – Франција, Јапонија и другите одбиваат да му се придружат

Претседателот на Соединетите Американски Држави, Доналд Трамп, повика на формирање на меѓународна поморска коалиција за обезбедување на слободен проток низ Ормутскиот теснец – стратешкиот пролаз низ кој поминува околу една петтина од светската нафта и значителен дел од течниот природен гас.

Владина делегација на средби во УНЕСКО – Ќе има ли договор за заштита на Охридскиот Регион?!

Во фокусот на разговорите беше состојбата на Охридскиот Регион како природно и културно светско наследство, при што беше нагласена важноста од континуирана и навремена имплементација на препораките за заштита, со цел зачувување на неговиот статус на Листата на светско наследство.

Германија и Франција бараат „Европа со две брзини“ – Г6 ќе ги води промените без консензус од сите

Германија и Франција се залагаат за забрзување на клучните политики на Европската Унија преку воведување на систем со две брзини, кој би им овозможил на водечките економии да напредуваат без потреба од консензус од сите 27 земји-членки, пишува The Washington Post.

По самитот во Рим: Германија и Италија ја водат борбата за конкурентна и автономна Европа

Со слабеењето на традиционалната француско-германска оска (моторот на Европската Унија), германскиот канцелар Фридрих Мерц сè повеќе се потпира на соработката со италијанската премиерка Џорџа Мелони, која станува негов клучен партнер во водењето на европските работи.

To top