Тема: НБРМ

НБРМ: Надворешниот долг на Македонија се искачи на речиси 13 милијарди евра

Надворешниот долг на Македонија продолжува да расте. Според најновите податоци на Народната банка, на крајот на првиот квартал од 2026 година бруто надворешниот долг достигнал 12,94 милијарди евра, што претставува зголемување од 742 милиони евра или 6,1 проценти во однос на крајот на 2025 година.

Гувернерот Славески на Конституенцата на ММФ и Светската банка, во фокус – ценовната стабилност

Во рамките на Годишниот состанок на Конституенцата, гувернерот на Народната банка Трајко Славески оствари билатерални средби со извршниот директор на Конституенцата во ММФ Јерун Клик и заменикот на извршниот директор Марникс ван Рај, како и со потпретседателката на Светската банка за Европа и Централна Азија Антонела Басани, придружувана од претставници на Меѓународната банка за обнова и развој (ИБРД), Меѓународната финансиска корпорација (ИФЦ) и Мултилатералната агенција за гарантирање инвестиции (МИГА).

Депозитите во мај пораснаа за 8,6 %, кредитите за 13,4 %

Во мај, анализирано според намената на кредитите одобрени на физичките лица, најзастапените категории ‒ потрошувачките и станбените кредити, остварија месечно зголемување од 1,1 процент и 1,4 проценти, соодветно, при годишен раст од 11,2 проценти и 16,3 проценти, соодветно. Овој месец, автомобилските кредити се повисоки за 1,7 проценти и 8,4 проценти на месечна и на годишна основа, соодветно.

Проверете на регистарот на е-трговци од кого купувате пред да платите онлајн

Регистарот добива дополнително значење ако се земе предвид континуираниот раст на е-трговијата во Македонија. Според анализата на АЕТМ на најновите податоци од Народната банка, во 2025 година вкупната вредност на онлајн-трансакциите достигна 950 милиони евра, што претставува раст од 32 % во однос на претходната година. Од нив, 522 милиони евра се слеале кон македонските е-трговци, а бројот на активни места на продажба за е-трговија е зголемен за 84 во однос на 2024 година.

Народна банка ја задржа стапката на противцикличниот капитален заштитен слој на 2%

И покрај солидната кредитна активност во економијата, Народната банка оцени дека нема потреба од дополнително затегнување на макропрудентната политика и одлучи стапката на противцикличниот заштитен слој на капиталот да остане на ниво од 2 проценти.

Народна банка ја зголеми основната каматна стапка на 4,25% поради инфлациските ризици

Гувернерот Трајко Славески оценува дека е подобро да има повисоки камати за кредитите отколку зголемување на инфлацијата. Во врска со најавите за зголемени провизии од три големи и една помала банка, Славески вели дека Народната банка не гледа причина за зголемувањето

Колку заработија домашните банки од провизии и надоместоци?!

Од анализата може да се заклучи дека за една година е зголемен процентот на профитна маржа за „надоместоци и провизии од платениот промет“ кај Стопанска банка, Комерцијална банка и НЛБ банка. Ако се споредат првите квартали од 2025 и 2026, кај НЛБ банка профитната маржа е зголемена од 65,55 на 66,83 отсто. Кај Комерцијална банка таа е зголемена од 60,42 на 66,51 процент. Исто и кај Стопанска банка има зголемување од 50,18 на 56,25 отсто. Просечната профитна маржа кај четирите банки, заедно со таа на УНИ банка, е 56,2 проценти од приходот.

Унапредувањето на соработката во фокус на средбата меѓу гувернерот Славески и гувернерот на Народната банка на Кина Пан Гонгшенг

Во рамките на разговорите им беше посветено внимание на трговските и на финансиските односи меѓу двете земји, при што беа разгледани и можностите за нивно понатамошно унапредување преку продлабочување на институционалната соработка. Притоа, беше нагласена долгогодишната традиција на пријателски односи меѓу двете земји, како и подготвеноста на Народната банка за натамошно засилување на дијалогот и размената на искуства со Народната банка на Кина.

Инфлацијата се намалува, девизните резерви растат, а финансискиот систем останува стабилен

Централните банки се соочуваат со еден од најголемите предизвици во последните децении, во услови на зголемена глобална неизвесност предизвикана од пандемијата, геополитичките конфликти, нарушените синџири на снабдување и силниот по раст на цените на енергијата и суровините. Потребата од навремени и одлучни политики за зачувување на ценовната и на финансиската стабилност беше една од главните теми на панел-дискусијата „Трасирање на идниот развој“, одржана во рамки на меѓународниот симпозиум организиран од Банката за меѓународни порамнувања и Народната банка на Кина во Шангај.

Славески-Желињски: Продлабочување на соработката за одржливиот економски развој и финансиската вклученост

Гувернерот Славески ја истакна и поддршката што ЕБОР ја обезбедува за финансирањето обновливи извори на енергија во земјава, како придонес за јакнењето на енергетската сигурност во земјава. На средбата беше потврдена заедничката подготвеност за понатамошно продлабочување на институционалната соработка меѓу Народната банка и ЕБОР, особено во областите на дигиталната трансформација на финансискиот сектор, одржливото финансирање и зајакнувањето на отпорноста и стабилноста на финансискиот систем.

Славески од Приштина: Финансиската стабилност мора да остане приоритет во дигиталната ера

Гувернерот посочи дека криптосредствата и дигиталните пари сè повеќе стануваат дел од современиот финансиски систем. Нивниот потенцијал за иновации е значителен, но нивниот развој мора да биде придружен со соодветна регулатива, ефективен надзор и внимателно управување со ризиците.

Гувернерот бара тоа што го бараат – Од провизии банките лани ќариле над 100 милиони евра

Гувернерот на Народната банка, Трајко Славески, повика на јавна дебата и разгледување на законски измени со кои на Народната банка би ѝ се овозможиле механизми за поголема заштита на корисниците на платежните услуги и за ограничување на одредени банкарски надоместоци, по примерот на повеќе европски земји.

Најнови вести

To top