Тема: ссм

Протест нека има, но да не се попрачува работа на пратениците, порача спикерот Гаши

Пратениците утре сами да се снајдат како ќе дојдат на работа откако ССМ најави блокада пред законодавниот дом каде ќе ги испратат барањата за раст на платите. Собранискиот спикер Африм Гаши на брифинг со новинарите посочи дека правото на протест е загарантирано, но и дека народните избраници мораат да си ја работат својата работа, исто како и МВР кое е задолжено за безбедноста на сите.

Пратениците ќе треба пешки да дојдат на работа в Собрание – сите влезови ќе се блокирани

Преку блокада на Собранието утре работниците со уште една порака до пратениците – да го одблокираат законот за минимална плата кој стои заглавен повеќе до една година, а македонските семејства се повеќе тонат во сиромашттија.

(Фото): Ќе има ли раст на работничките, а кратење на функционерските плати?!

Синдикатите бараат итно зголемување на минималната плата на 600 евра и линеарен раст од сто евра за сите други, додека Владата застапува модел на постепен раст. Формулата што ја предлага Владата предвидува кумулативно зголемување од околу 40 проценти до 2028 година, со годишни нивелации меѓу седум и осум проценти.

Почнува блокада на институциите – Сојузот на синдикати најпрво ќе удрат на Собранието

Сојузот на Синдикати започнува со блокади. Први на удар ќе се пратениците и на 10-ти февруари нема да можат да отидат на работа, оти ќе биде блокирано Собранието. ССМ ова го прави во знак на револт, оти не се оѕвале на апелите за носење на законите за раст на платите.

Влада: Не знаеме кого чекал Трендафилов во празна сала, премиерот ќе има средба со синдикатите в четврток

Претседателот на ССМ, Слободан Трендафилов, оцени дека е добро што премиерот го прифатил барањето на УПОЗ за зголемување на платите во управата и правосудството по речиси една година протести на работниците од овој сектор, но додаде оти денеска требало да се зголемат и платите на вработените во управата за 40 отсто.

Протест на ССМ со барања за минимална плата од 600 евра и зголемување на сите плати за 6.000 денари

Сојузот на синдикати на Македонија одржа протест пред Работничкиот дом, Собранието, Сојузот на стопанските комори и Владата, барајќи итно зголемување на минималната плата на 600 евра и зголемување на сите плати за најмалку 6.000 денари

Филипче: СДСМ со поддршка на протестот на ССМ за повисоки плати

Претседателот на Социјалдемократскиот сојуз на Македонија, д-р Венко Филипче, денеска изрази целосна поддршка за протестот на Сојузот на синдикати на Македонија и за барањата на работниците упатени до Владата.

Манасиевски: ССМ и „синдикалецот на батерии“ Трендафилов одбиле 40% зголемување на платите во следните 2 години на штета на работниците!

„Синдикалецот на батерии“ Слободан Трендафилов со плата 3-4 пати поголема од минималната која ја добива благодарејќи на работниците кои членуваат во неговите синдикати, им го сврте грбот и не прифати зголемување на платите во администрацијата за 40% во следните 2 години. Слободан Трендафилов кој е многу гласен кога СДС е во опозиција, а тивок кога тие беа на власт, го одбил предлогот на Владата предводена од ВМРО-ДПМНЕ за зголемување на платите на административните службеници за 40% во следните две години. Зошто? Само затоа што не сакал да го потпише новиот колективен договор. – реагираше Валентин Манасиевски од ВМРО ДПМНЕ.

ССМ ги повика сите на протест за платите, премиерот одговори: Секој има право да протестира

Овој протест е за твојата плата, затоа што истата не стигнува од први до први, рече претседателот на Сојузот на синдикатите на Македонија Слободан Трендафилот, најавувајќи го протестот на 28 јануари. Од Синдикатот бараат минималната плата да биде 600 евра и зголемување на работничките плати за најмалку 6.000 денари.

Отворено писмо од ССМ за протест на 28 јануари за покачување на минималната и сите плати

„28 јануари е ден кога работниците ќе го подигнат гласот! Овој протест не е за тоа дали имате време или не. Не е ниту за оние што сметаат дека времето е неповољно – не е важно дали е темно, ладно или дали ќе врне“, се потенцира во повикот. Овој протест е за вашата плата, која не стигнува на време, и ако некој треба да протестира за тоа, тоа сте вие. Сите ние, во солидарност, стоиме заедно.

Најнови вести

To top